Kazıno jelisiniń ıegeri eń sátti mıllıarderler kóshin bastady
ASTANA. 25 jeltoqsan. QazAqparat - Kazıno jelisiniń ıegeri Sheldon Adelson 2013 jyldyń qorytyndysy boıynsha eń sátti mıllıarderler kóshin bastady. Sońǵy 12 aıda onyń dáýleti 15 mıllıardtan 37 mıllıardqa deıin ósken. Forbes jýrnaly jasaǵan atalǵan tizimge eń kóp tabys tapqan azamattar engendigin aıta ketý kerek.
Bıyl Adelson kún saıyn 41 mıllıon dollardan paıda taýypty. Onyń jyldyq tabysy 15 mıllıard dollardy qurap otyr. Nátıjesinde AQSh-taǵy eń baı adamdar tiziminiń bestigine kirdi. Basylymnyń habarlaýynsha, mundaı tabysty Adelsonǵa Makao men Sıngapýrdaǵy kazınolary alyp kelgen.
Reıtıngtiń ekinshi satysynda Feısbýk áleýmettik jelisiniń negizin qalaýshy Mark Tsýkerberg tur. Onyń bir jyldyq tabysy 13,6 mıllıard dollardy qurap, jalpy dáýleti 25,8 mıllıard dollarǵa jetti. Ol AQSh-taǵy eń aýqatty degen 10 adamnyń qatarynda.
Al, úshinshi orynda Tsýkerbergten sál ǵana az paıda tapqan Djeff Bezos. Amazon ınternet-dúkenderiniń ıesi bir jylda 13,3 mıllıard dollar tabys taýyp, óz qoryn 36,9 mıllıard dollarǵa jetkizgen, dep habarlaıdy Baq.kz.
