Kazıno jáne býkmekerlik keńse ıeleri úshin qosymsha qun salyǵyn tóleý tártibi ózgerdi
«Qazaqstan Respýblıkasynyń keıbir zańnamalyq aktilerine bıznes-ortany damytý jáne saýda qyzmetin retteý týraly ózgerister men tolyqtyrýlar engizý týraly» Qazaqstan Respýblıkasynyń 2019 jylǵy 2 sáýirdegi Zańy boıynsha, Salyq kodeksine kazıno, oıyn avtomattary zaly, totalızator jáne býkmekerlik keńse qyzmetteri boıynsha QQS esepteý jáne tóleý tártibi boıynsha ózgerister engizildi. Ózgerister 2019 jylǵy 1 qańtardan bastap kúshine endi.
Eger 2019 jylǵy 1 qańtardan bastap salyq tóleýshilerde kazıno, oıyn avtomattary zaly, totalızator jáne býkmekerlik keńse qyzmetteri boıynsha aınalymdar eń az mólsherdegi aınalymnan (30 000 eselengen AEK) asatyn bolsa, onda mundaı salyq tóleýshi QQS tóleýshi retinde mindetti túrde tirkelýge jatady.
Kazıno, oıyn avtomattary zaly, totalızator jáne býkmekerlik keńse qyzmetteri boıynsha QQS tóleýshi mynadaı tártippen QQS esepteıdi:
- aınalym mólsheri osyndaı qyzmetti júzege asyrý nátıjesinde salyq kezeńi úshin alynatyn kirister somasy boıynsha aıqyndalady;
- esepke jatqyzýǵa ruqsat etilgen soma tek salyq salynatyn aınalymnan qosylǵan qun salyǵynyń somasynyń 85% mólsherinde aıqyndalady;
- salyq kezeńi úshin bıýdjetke tólenýge jatatyn QQS somasy salyq salynatyn aınalym QQS men esepke jatqyzýǵa ruqsat etilgen somasy arasyndaǵy aıyrma retinde anyqtalady.
Kazıno, oıyn avtomattary zaly, totalızator jáne býkmekerlik keńse qyzmetteri boıynsha QQS tóleýshilermen shot-faktýralardy jazyp berý júrgizilmeıtinin atap ótken jón.
QQS boıynsha mindettemeler oıyn bıznes salyǵy jáne tirkelgen salyq boıynsha deklaratsııada (710.00 nysan) kórsetiledi.
Osyǵan baılanysty, «Salyq eseptiligine ózgerister engizý týraly» Qazaqstan Respýblıkasy qarjy mınıstriniń buıryǵy bekitilmegen, QQS boıynsha mindettemeler oıyn bıznesi salyǵy jáne tirkelgen salyq boıynsha deklaratsııasynyń (710.00 nysan) jańa nusqasyn jarııalaýǵa deıin 2019 jyldyń 1-toqsany úshin QQS boıynsha salyq mindettemelerin ýaqtyly oryndaýdy qamtamasyz etý úshin mynadaı qalpynda QQS boıynsha deklaratsııada (300.00 nysan) kórsetiledi.
Qyzmetti júzege asyrý nátıjesinde salyq kezeńi úshin alynatyn kirister somasy boıynsha belgilengen ótkizý boıynsha aınalym 300.00.001 A jolynda kórsetiledi, mundaı aınalymnyń QQS somasy 300.00.001 V jolynda kórsetiledi.
Salyq salynatyn aınalym (300.00.001 V) boıynsha QQS somasynyń 85% mólsherinde aıqyndalatyn QQS esepke jatqyzýǵa ruqsat etilgen 300.00.025 II jolynda kórsetiledi.
Salyq kezeńi úshin QQS eseptelgen somasy aınalymdaǵy (300.00.001 V) QQS somasy men QQS esepke jatqyzýǵa (300.00.025 II) ruqsat etilgen somasy arasyndaǵy aıyrma retinde anyqtalady jáne 300.00.030 І jolynda kórsetiledi.
