Kazinform jýrnalısteri shyǵarmashylyq baıqaýda jeńimpaz atandy
ASTANA.KAZINFORM - «Qazaqstan mashına jasaýshylarynyń odaǵy» ZTB buqaralyq aqparat quraldary qyzmetkerleri arasynda ótken ashyq shyǵarmashylyq baıqaýdyń qorytyndysyn shyǵardy. Baıqaý otandyq mashına jasaý salasyn keńinen nasıhattaý jáne ony obektıvti túrde jarııalaýdy yntalandyrý maqsatynda uıymdastyryldy.
Baıqaý analıtıkalyq maqalalar, reportajdar, suhbattar jáne ózge de janrlarda materıaldar usynǵan respýblıkalyq jáne óńirlik BAQ jýrnalısterin biriktirdi. Qatysýshylar joǵary kásibıligin, salalyq kún tártibin tereń túsinetinin jáne Qazaqstandaǵy mashına jasaý salasynyń ózekti damý úrdisterin kórsete bildi.
Baıqaý qorytyndysy boıynsha jeńimpazdar anyqtaldy.
Birinshi oryn jáne 1 000 000 teńge kólemindegi bas júlde «Qazaqparat» - «Kazınform» HAA mýltımedııalyq kontent óndirý qyzmetiniń tilshisi Ádil Saptaevqa «Ot otvertkı do lokomotıva – kak razvıvaetsıa glavnaıa ındýstrıalnaıa otrasl Kazahstana» taqyrybynda materıaly úshin berildi.
Ekinshi oryn jáne 700 000 teńge kólemindegi júldeni «Qazaq úni» JShS bólim redaktory Dostan Eldesov «Fenomen kompleksnogo razvıtııa mashınostroenııa Kazahstana» materıaly úshin ıelendi.
Úshinshi oryn jáne 500 000 teńge kólemindegi júlde «Atyrau Press» ınternet-redaktsııasynyń tilshisi Amandyq Abdýlovqa «Qazaqstandy vagonmen qamtıtyn alpaýyt» materıaly úshin tabystaldy.
Yntalandyrý syılyqtary kelesi jýrnalısterge berildi:
1. Aıbek Tasqalıev, «Aqtóbe» oblystyq qoǵamdyq-saıası gazetiniń ekonomıka jáne aýyl sharýashylyǵy bóliminiń meńgerýshisi;
2. Maıra Erǵalı, «Atyraý» oblystyq gazetiniń aǵa tilshisi;
3. Altynaı Ysqaqova, «Nazarda» ınternet-portalynyń tilshisi;
4. Móldir Qalymbet, «Qazaqparat» - «Kazınform» HAA mýltımedııalyq kontent óndirý qyzmetiniń analıtıkalyq sholýshysy;
5. Dana Týǵambekova, «Azattyq Ruhy» aqparat agenttiginiń shyǵarýshy redaktory;
6. Olga Zolotyh, «Otpannews.kz» jańalyqtar portalynyń shef-redaktory;
7. Aıbek Qosanov, «Jýrnalıst KZ» qoǵamdyq-saıası saıtynyń redaktory;
8. Karına Kýşanova, «Qazaqparat» - «Kazınform» HAA tilshisi.
Qazaqstan mashına jasaýshylarynyń odaǵy mundaı baıqaýlardy ótkizý salalyq jýrnalıstıkany damytýǵa, qoǵamnyń mashına jasaý salasyna qyzyǵýshylyǵyn arttyrýǵa jáne BAQ pen óndiristik qaýymdastyq arasyndaǵy ózara is-qımyldy nyǵaıtýǵa yqpal etetinin atap ótti.
Uıymdastyrýshylar barlyq qatysýshylarǵa alǵys bildirip, búgingi tańda Qazaqstan ekonomıkasynyń negizgi draıverleriniń birine aınalǵan otandyq mashına jasaý salasynyń jetistikterin odan ári jarııalaýdyń mańyzdylyǵyn atap ótti.
Buǵan deıin «Jibek Joly» radıosynyń júrgizýshisi Gúlnaz Amanǵalı kásibı joly, radıonyń telearnadan aıyrmashylyǵy jáne efır syrtyndaǵy qyzyqtaryn bólisken edi.
