Kazinform men Jibek Joly Prezıdent Joldaýyn tikeleı efırde kórsetedi
ASTANA. KAZINFORM – 8 qyrkúıekte Prezıdent Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saıynǵy Joldaýyn jarııalaıdy. Tikeleı translıatsııa saǵat 11:00-de bastalady.
Birlesken otyrysqa depýtattar, ortalyq memlekettik organdardyń basshylary, Ulttyq quryltaı músheleri, sondaı-aq qoǵam ókilderi men eńbek ujymdary shaqyryldy.
Sarapshylardyń pikirinshe, 2025 jylǵy Joldaý strategııalyq mańyzy bar baǵyttarǵa arnalady. Onyń ishinde memlekettik basqarý men ekonomıkada tıimdiligin dáleldegen tsıfrlandyrý men jasandy ıntellektti engizý máseleleri basty orynǵa shyǵady.
Sonymen qatar ishki naryqty damytý, joǵary qosylǵan quny bar ónim óndirýdi yntalandyrý, azyq-túlik, energetıkalyq jáne kólik qaýipsizdigin nyǵaıtý máselelerine basymdyq beriledi.
Densaýlyq saqtaý, bilim berý jáne ekologııa salasyndaǵy áleýmettik reformalarǵa da erekshe nazar aýdarylmaq.
Sarapshylardyń aıtýynsha, Joldaý-2025 teńgerimdi damý baǵytyn jalǵastyryp, turaqtylyq pen áleýmettik basymdyqtarǵa baǵyttalatyn bolady.
Prezıdenttiń ótken jylǵy tapsyrmalarynyń oryndalý barysy týraly Kazinform tilshisiniń analıtıkalyq materıalynan oqýǵa bolady.
Tikeleı efırdi respýblıkalyq telearnalardan, Aqordanyń áleýmettik jelidegi paraqshalarynan, sondaı-aq Jibek Joly arnasynan, onyń YouTube-kanalynan jáne Kazinform saıtynan kórýge bolady.
Joldaýdyń tolyq mátini Kazinform saıtynda jáne Telegram-kanalynda jarııalanady.