Kazinform fototilshisi Sankt-Peterbýrgtegi baıqaýda top jardy
ASTANA. KAZINFORM — Álemdik deńgeıdegi PhotOlympic-2025 baıqaýynda Kazinform fotografy Maqsat Shaǵyrbaı top jaryp, 2 altyn, 1 kúmis jáne 1 qola medal jáne 96 qatysýshynyń ishinen arnaıy júlde ıelendi.
Aıta keteıik, bul baıqaý ekinshi ret ótkizilip otyr.
Alǵash ret Serbııanyń Novı-Sad qalasynda uıymdastyrylsa, bıyl álemniń úzdik fotograftaryn Reseıdiń Sankt-Peterbýrg qalasy qarsy aldy.
Jalpy 96 myqty fotograf baq synaǵan jarystyń basty ereksheligi — basqa baıqaýlarǵa múlde uqsamaıtyn sharttarynda.
Qatysýshylarǵa nebári 24 saǵat ishinde 24 túrli taqyryp usynylady.
Ár taqyrypqa sáıkes túsirilgen sýretter sol aralyqta qazylar alqasyna tapsyrylýy tıis.
Al ádilqazylar ár nomınatsııany baldyq júıemen baǵalap, úzdikterdi anyqtap, marapatqa usynady.
Eske sala keteıik, 13 tamyz kúni elimizdegi eń kóne medıaresýrstardyń biri - Kazinform halyqaralyq aqparat agenttigine 105 jyl toldy.