Kazinform agenttigi jańa «Málimet» jobasyn iske qosty
ASTANA. KAZINFORM — «Málimet» − Qazaqstannyń medıanaryǵynda alǵash ret usynylǵan jańa aıdar, onda saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetteri jarııalanady.
«Málimette» keıipkerlerdiń ómiri men mansabyndaǵy mańyzdy sátteri men jetistikteri, sondaı-aq fotosýretteri men olarǵa qatysty sońǵy jańalyqtar usynylady. Biz Qazaqstannyń eń basty tulǵalary týraly barlyq málimetti bir aıdarǵa jınadyq, osylaısha olar týraly bar aqparatty ońaı ári jyldam bilýge bolady.
Bul nege qyzyqty?
• Rastalǵan málimetter: barlyq aqparat faktchekıngten ótedi jáne Qazaqstan segmentindegi eń tolyq ári senimdi derek bolyp sanalady;
• Mýltımedıalyq format: árbir derekte fotosýretter, tıisti jańalyqtarǵa siltemeler men áleýmettik jelidegi profılder bar, bul materıaldy senimdi ǵana emes, tartymdy ete túsedi;
• Qazaqstan medıanaryǵynda balamasy joq: «Málimet» — eldegi tanymal tulǵalar jaıly eń tolyq ári ashyq derekter bazasy;
• Eki tilde qoljetimdi: barlyq aqparat qazaq jáne orys tilderinde usynylǵan, bul ony anaǵurlym aýqymdy aýdıtorııaǵa qoljetimdi etedi;
• Qolaıly: barlyq derek bir jerge shoǵyrlanǵan, bul Qazaqstannyń qazirgi kelbetin qalyptastyryp jatqan tulǵalar týraly jan-jaqty málimetti ońaı alýǵa múmkindik beredi.
Joba jýrnalısterge, sarapshylarǵa, stýdentterge, zertteýshilerge jáne memlekettik ári qoǵamdyq protsesterge yqpal etetin tulǵalarǵa qyzyǵýshylyq tanytqan barlyq oqyrmanǵa arnalǵan.
Keleshekte «Málimet» Ortalyq Azııa elderiniń belgili tulǵalaryn da qamtıtyn bolady.
Kazinform agenttigi aqparat taratýdyń zamanaýı formattaryn damytýdy jalǵastyrady jáne qoǵamdy senimdi ári paıdaly derekkózben qamtýdy maqsat etedi.
Aıdarǵa siltemeler:
Aıta keteıik, bıyl KAZINFORM agenttigine 105 jyl tolady. Agenttiktiń mereıtoıyna arnalǵan materıaldar toptamasy jarııalanyp turady. Osy oraıda, muraǵat derekterinen 1953 jyly Jambyl oblysynyń Sverdlov aýdanyna qarasty «Trýd paharıa» keńsharynda sý sorý úshin jel qozǵaltqyshynyń ornatylǵany týraly aqparat agenttik taspasy arqyly búkil respýblıkaǵa taraǵany jaıly jazba tabyldy.