Qazyǵurttyq jastar 1768 metrlik shyńǵa shyǵyp, Memlekettik Tý tikti
TÚRKІSTAN. KAZINFORM - 4 maýsym – Qazaqstan Respýblıkasynyń Memlekettik rámizder kúnine oraı Qazyǵurt aýdanynda jastardyń qatysýymen erekshe patrıottyq aktsııa ótti.
Jastar qasıetti Qazyǵurt taýynyń shyńyna shyǵyp, elimizdiń Memlekettik Týyn tikti. Bul taý teńiz deńgeıinen 1768 metr bıiktikte ornalasqan. Uzyndyǵy – 22, eni – 10 shaqyrymdy quraıdy.
Shyńǵa kóterilgen soń, qatysýshylar Memlekettik rámizder týraly baıandama tyńdady. El tarıhy men táýelsizdik jolyndaǵy jetistikterdi eske aldy. Ánurandy birge oryndap, estelik fotosessııa jasady.
Іs-sharany aýdandyq «Jastar resýrstyq ortalyǵy» uıymdastyrdy. Basty maqsat – jastar arasynda Otanǵa degen súıispenshilikti arttyrý, Memlekettik rámizderge degen qurmetti qalyptastyrý, salaýatty ómir saltyn nasıhattaý.
Uıymdastyrýshylardyń aıtýynsha, mundaı sharalar jastardyń boıyndaǵy rýhanı-azamattyq sanany qalyptastyrýda, elge degen adaldyq pen belsendilikke tárbıeleýde mańyzdy ról atqarady.
Aıta keteıik, budan buryn Túrkistan oblysyndaǵy Keles aýdanynyń turǵyny Eýropadaǵy bedeldi oqý oryndarynan shaqyrtý alǵanyn jazǵan bolatynbyz.
