«Qazyǵurt» keden beketiniń birneshe qyzmetkeri tergelip jatyr – Antıkor
ASTANA. KAZINFORM – Túrkistan oblysyndaǵy «Qazyǵurt» keden beketiniń laýazymdy tulǵalaryna qatysty sotqa deıingi tergeý júrip jatyr. Kúdiktilerge qatysty aqparatpen QR Sybaılas jemqorlyqqa qarsy is-qımyl agenttiginiń resmı ókili Arman Tileýkenov bólisti.
«Túrkistan oblysy boıynsha Sybaılas jemqorlyqqa qarsy qyzmet júıeli negizde paraqorlyq faktileri boıynsha oblystyq memlekettik kirister departamentiniń «Qazyǵurt» keden beketiniń laýazymdy tulǵalaryna qatysty sotqa deıingi tergeý júrgizýde. Olar keden beketi arqyly júk mashınalarynyń kedergisiz ótýi úshin syrtqy ekonomıkalyq qyzmetke qatysýshylardan 50-den 200 myń teńgege deıingi somada para aldy degen kúdikke ilinip otyr», - dedi Arman Tileýkenov agenttikte ótken baspasóz máslıhatynda.
Tergeý amaldary jalǵasyp jatyr.
