Qazybek Qalmaǵambetov grek-rım kúresinen álem chempıonatynda top jardy
ASTANA. KAZINFORM – Qazaqstan kúres túrlerinen Slovakııanyń Bratıslava qalasynda ótip jatqan U20 álem chempıonatynda alǵashqy medaline qol jetkizdi.
Qazybek Qalmaǵambetov grek-rım kúresinen 67 kelige deıingi salmaqta jeńis tuǵyrynyń birinshi satysyna kóterildi.
Otandasymyz fınalda Belarýs ókili Mıhaıl Markovskııdi 13-7 esebimen jeńip, altynnan alqa taqty. Osylaısha ulttyq quramanyń qorjynynda bir júlde bar.
Buǵan deıin Balýan Qazybek Qalmaǵambetov Slovakııadaǵy álem chempıonatynyń fınalyna shyqqanyn jazǵan edik.
Aıta keteıik, kúres túrlerinen álem chempıonaty qarsańynda Astanada 350-den astam balýan qatysatyn halyqaralyq oqý-jattyǵý jıyny ótedi.
