Qajymuqannyń memorıaldyq keshenin salýǵa qarjy bólinbeı otyr - Álimjan Qurtaev
NUR-SULTAN. QazAqparat - Qajymuqan Muńaıtpasulynyń memorıaldyq keshenin salýǵa respýblıkalyq bıýdjetten qarjy bólinbeı otyr. Bul týraly QR Premer-Mınıstri Asqar Mamınge depýtattyq saýal joldaǵan senator Álimjan Qurtaev aıtty, dep habarlaıdy QazAqparat tilshisi.
«2019 jylǵy 8 qarashadaǵy Qajymuqan Muńaıtpasulynyń 150 jyldyq mereıtoıyn daıyndaý men ótkizýge qatysty depýtattyq saýalymyzǵa, qazaqtyń áıgili palýany Qajymuqan Muńaıtpasulynyń 150 jyldyq mereıtoıy Qazaqstan Respýblıkasy Mádenıet jáne sport mınıstriniń 2018 jylǵy 25 tamyzdaǵy № 228 buıryǵymen bekitilgen 2019-2021 jyldarǵa arnalǵan mereıtoılar men ataýly kúnderdiń tizbesine engizilgenin habarlap, qazaqtyń belgili palýany Qajymuqan Muńaıtpasulynyń 150 jyldyq mereıtoıyn merekeleý Úkimettiń erekshe baqylaýynda jáne tıisti deńgeıde atalyp ótetinin jetkizdińiz. Túrkistan oblysy, Ordabasy aýdanynda Qajymuqan Muńaıtpasulynyń 150 jyldyǵyna oraı qazaq dalasy batyrynyń atyna memorıaldyq keshen salynatyn bolyp josparlanǵan. Zamanaýı úlgide boı kóteretin nysannyń qurylys jumystary ústimizdegi jyldyń qarasha aıynda bastalyp, 2021 jyldyń qazan aıynda paıdalanýǵa beriledi dep kútilgen bolatyn. Alaıdy, qazirgi jaǵdaıda bulaı deý múmkin emes sekildi, sebebi qurylys jumystaryn bastaýǵa tıisti qarajat qaralmaǵan», - dedi senator.
Onyń atap ótýinshe, QR Premer-Mınıstriniń orynbasary Eraly Toǵjanov Túrkistan oblysyna jumys saparynda Qarjy mınıstrligine Qajymuqan Muńaıtpasulynyń memorıaldyq keshenin salý úshin respýblıkalyq bıýdjetten qarjy bólýdi júktegen. ıAǵnı, 2020 jyly bastalyp 2021 jyly aıaqtalýy kózdeletin qarajat bólý jóninde usynys engizýdi tapsyrǵan.
«Bul tapsyrma aıaqsyz qaldy deýge bolady. «Batys Qytaı – Batys Eýropa» halyqaralyq kólik dálizi boıynda salynatyn memorıaldyq keshenniń jalpy aýmaǵy 5 gektardy quraıdy. Onda kitaphana, kórme zaly, qonaq úı, ashana, konferents zaly, sport zaly, sportshylardyń kıim aýystyrýǵa, jýynýǵa arnalǵan jáne basqa da qajetti bólmelermen qamtylmaq. Sondaı-aq, sporttyń birneshe túrimen shuǵyldanýǵa laıyqty keshen túrli deńgeıdegi jarystardy ótkizýge de yńǵaıly bolmaq»,- degen Álimjan Qurtaev Premer-Mınıstrden memorıaldyq keshendi salýǵa tıisti qarajatty 2021 jyldyń bıýdjetinde qaraýdy surady.
