«Qajymuqan joly 2023»: Petropavlda alyp kúsh ıeleri saıysty

PETROPAVL. QazAqparat – Petropavlda «Qajymuqan joly 2023» týrnıri ótti, dep habarlaıdy QazAqparat Qazaqstan Sportshylar odaǵynyń baspasóz qyzmetine silteme jasap.

Týrnırdi ótkizýge Qazaqstan Sportshylar odaǵy bastamashylyq etken. Joba avtory – Gınnes rekordtar kitabynyń rekordshysy, qazaqstandyq palýan Sergeı Tsyrýlnıkov.

Buǵan deıin osyndaı is-shara Aqtóbe, Túrkistan, Pavlodar, Aqmola, Shyǵys Qazaqstan oblystarynda jáne Astana qalasynda ótkizilgen bolatyn.

Jobanyń maqsaty – uly batyr Qajymuqan Muńaıtpasovty nasıhattaý jáne sportshylar arasynda ulttyq kúsh mádenıetin ilgeriletý.

Petropal qalasynda ótken jarysqa 8 alyp kúsh ıesi qatysyp, nátıjesinde Ádil Qaıyrov jeńimpaz atandy. Á.Qaıyrov qazaq kúresinen sport sheberi ataǵyna kandıdat.

2-oryn dzıýdodan sport sheberi ataǵyna kandıdat Myrzash Ádiletke buıyrdy.

3-oryndy Mýsın Baýyrjan aldy, ol grek rım kúresinen sport sheberi.