Qajymuqan Muńaıtpasulynyń 145 jyldyǵyna arnalǵan «Alashtyń alyby» atty eske alý keshi ótedi
ASTANA. QazAqparat - QR Ulttyq mýzeıinde sáýirdiń 7-inde Qajymuqan Muńaıtpasulynyń 145 jyldyǵyna arnalǵan «Alashtyń alyby» atty eske alý keshi ótedi, dep habarlaıdy Ulttyq mýzeıdiń aqparattyq-ımıdjdik qyzmeti.
«Tarıhı tulǵalar» jobasy aıasynda ótetin is-sharanyń basty maqsaty - Qajymuqan Muńaıtpasov ómiri jaıly derektermen tanystyrý, jas urpaqty uly tulǵa ómirinen úlgi-ónege alýǵa shaqyrý.
Eske alý keshinde jaýyryny jerge tımegen qazaq dalasynyń batyry týraly tanymdyq beınebaıandar kórsetiledi. Sonymen qatar, Q.Muńaıtpasov atyndaǵy Olımpıada rezerviniń Respýblıkalyq mamandandyrylǵan mektep-ınternat-kolledjiniń jas sportshylary gımnastıka, boks, taekvondo, grek-rım kúresinen kórsetilimder usynady.
