Qajylyqty óteý barysynda zardap shekkender arasynda Qazaqstan azamattary joq
ASTANA. Qarashanyń 28-i. QazAqparat /Marlan Jıembaı/ - Saýd Arabstanynda musylmannyń bes paryzynyń biri qajylyqty óteý barysynda zardap shekkender arasynda Qazaqstan azamattary joq.
Bul týraly búgin Syrtqy ister mınıstrliginiń baspasóz hatshysy Іlııas Omarov baspasóz máslıhatynda aıtty, dep habarlaıdy QazAqparat.
«Bizdiń elshiliktiń bergen aqparaty boıynsha zardap shekkender arasynda Qazaqstan azamattary joq», dedi ol.
Aıta keteıik, qarashanyń 26-synda nóser jaýynnyń saldarynan Mekkege barar joldaǵy eki kópir qırap, keıbir kóshelerde sel júrgen edi. Osyndaı oqys oqıǵalardyń saldarynan 48 adam qaza tapqan bolatyn.
Aǵymdaǵy jyly qajylyq paryzyn óteý úshin qasıetti Mekke jerine 3 mıllıonnnan astam adam taban tiregen. Al, Qazaqstannan sapar shekkender sany bıyl 2 myńnan asady.
