Qajylyqtan kelgen týysyn lımýzınmen kútip alǵany úshin aıyppul salyndy
ASTANA. QazAqparat - Bıylǵy qajylyqtan oralǵan tájikstandyq azamatty áýejaıdan lımýzınmen kútip alǵan týysyna aıyppul salynǵan, dep habarlanǵan QMDB resmı saıtynda.
«Qajynyń týystarynyń bul áreketi Salt-dástúr týraly zańǵa qaıshy keledi. Jáne de osyndaı múmkinshilikteri joq adamdarǵa keri áserin tıgizedi» delingen Tájikstan Úkimeti Din isteri komıteti málimdemesinde.
Al kelgen qajy men ony kútip alǵan týysynyń aty-jóni, salynǵan aıyppul kólemi qupııa bolýda. Qazirgi ýaqytta respýblıka áýejaılarynda qasıetti shahardan qajylyq jasap oralǵan azamattardyń kelýine oraı kútip alýshylardyń áreketterin baqylaý maqsatynda arnaıy komıssııa jumys júrgizýde. Joǵaryda kórsetilgendeı, zańǵa qaıshy sharalar oryn alǵan jaǵdaıda qajyny kútip alýshylarǵa zańmen aıyppul taǵaıyndalady.
Esterińizge sala ketsek, tájik elinde 2007 jyly «Salt-dástúrler men sharalar týraly» zań qabyldanǵan edi. Quzyretti oryndardyń aıtýynsha, atalmysh zań eldegi kedeıliktiń aldyn alý men ysyrapqa jol bermeý maqsatynda engizilip otyr.
