Qajylyqqa qaıta-qaıta barǵansha...
ASTANA. 12 qazan. QazAqparat - Saýd Arabııasynyń Bas múftıi sheıh Ábdiáziz ál-Ashsheıh buryn qajylyǵyn ótegen musylmandardy ár elge kvotanyń jyldaǵydan az bólinýine baılanysty qasıetti paryzyn tuńǵysh ret oryndaǵysy keletinderge jol berip, olardyń alǵashqy qadamyna túsinistikpen qaraýǵa shaqyrdy. Bul týraly muslim.kz habarlady.
Rýhanı qaıratker óz sózinde buryn qajylyq paryzyn ótegenderine qaramaı, bul joly da qasıetti saparǵa attanǵysy keletinderge osy maqsatta jınaǵan qarjysyn muqtajdyqqa ushyraǵan jandarǵa úlestirip berýge úndep, onyń da saýaby bolatynyn alǵa tartty. Eldiń qajylyq isteri jónindegi mınıstrligi Mekke qalasynda uıymdastyrǵan konferentsııada sóz sóılegen ol: «Qajylyqty adam ómirinde bir ret oryndasa, jetip jatyr. Paıǵambarymyz Muhammed (Allanyń sálemi men ıgiligi jaýsyn) qajylyqqa qajylyqty tek bir-aq márte ótegen»,- dedi.
Sol sebepti, musylmandar Alla Elshisiniń ómirinen (Allanyń sálemi men ıgiligi jaýsyn) úlgi alýy tıistigin tilge tıek etti.
