«Qajylyqqa birneshe márte barý paryz ba, álde...» - respýblıkalyq basylymdarǵa sholý

ASTANA. 26 qazan. QazAqparat - Qazaq aqparat agenttigi respýblıkalyq basylymdarda 26 qazan, juma kúni shyqqan ózekti materıaldarǵa sholýdy usynady.

«Egemen Qazaqstan» gazetiniń búgingi sanynda Pavlodardaǵy «Elbrýs» etnomádenı birlestiginiń  tóraıymy Márııam Baıramýkovamen aradaǵy suhbat «Qazaq halqyna alǵysymyz sheksiz!» degen taqyryppen berilgen. Basylym tilshisiniń barlyq saýalyna tuşymdy jaýap bergen ol: «Ulty­myz­dyń tilin,  dástúrin qaıta oraltý úshin ashylǵan «Jańǵyrtý mektebinde» balqar tilin úıretý bólimshesi quryldy. Onda qazir 30-dan astam bala bilim alýda. «Elbrýs» ortalyǵy óz ultynyń mádenıetin, tilin, dástúri men saltyn ǵana emes, qazaq tilin de úıretýde. Elbasy - Qazaqstan halqy Assambleıasynyń Tóraǵa­sy Nursultan Nazarbaevqa ár­daıym alǵys aıtyp otyramyz. Ol kisige uzaq ǵumyr bersin. Ór­kenıetti álemde «ulttyq birlik» uǵymy - ortaq memleketti bir­le­sip jasaý, toleranttylyq, aza­mat­tyq jáne óz elińniń memle­kettik tilin  bilý qaǵıdattarymen ólshenedi. Olaı bolsa, biz bul maqsatqa qol jetkizdik dep oılaımyn», - deıdi.

***

«Alash aınasy» gaztiniń juma kúngi sanynda jaryq kórgen Qanat Birlikulynyń «Qajylyqqa birneshe márte barý paryz ba, álde...» atty maqalasy qoǵamǵa oı salady. Keıbireý maqtan úshin, keıbireý qydyryp, el kórý úshin, keıbireý saýap úshin qajylyqqa barady. 35 ret qajylyqqa barǵan otandastarymyz da bar eken. Sondaı azamattar týǵan-týystaryna, aýyldas aǵaıyndaryna qol ushyn sozyp, jetim-jesir, kem-ketikterge sadaqa jasasa, nur ústine nur bolmaı ma?

 

Osy basylymnyń turaqty «Oı-kókpar» aıdarynda «Shetelde dinı bilim alýǵa shekteý qoıý kerek pe?» degen saýaldy ortaǵa tastalǵan. Shette bilim alatyn tálimgerlerdiń jat aǵymdar jetegine erip ketetindigi búgingi alash azamattaryn da alańdatyp otyr. Saıasattanýshy Rasýl Jumaly «tyıym salý kerek» dese, dintanýshy Dosaı Kenjetaı mundaı shekteýge qarsy.   

***

«Memleket basshysy Nursultan Nazarbaevtyń atyna etnomádenı birlestikter ókilderinen Qurban aıt merekesimen quttyqtaǵan hattar kelip tústi», - dep jazady «Kazahstanskaıa pravda» gazeti. Máselen, Qostanaı oblystyq ýkraındar qaýymynyń basqarma tóraǵasy A.Tarasenko Prezıdentti merekemen quttyqtaı otyryp, Qazaqstan halqyna tabystar men ósip-órkendeý tileıdi. «Oblystaǵy jalpy bilim beretin mekemelerde etnosaralyq qatynastar tarıhy boıynsha baǵdarlama engizildi. Etnomádenı birlestikterdiń ókilderin oblystaǵy aýyl sharýashylyǵy, qurylys ındýstrııasy men mashına jasaý salalaryndaǵy ındýstrıaldy-ınnovatsııalyq baǵdarlamaǵa qosý jónindegi Sizdiń tapsyrmańyz oryndalýda» dep jazady ol.