Qajylyqqa barǵan 190 myń adamǵa dárigerlerdiń kómegi qajet bolǵan
ER-RIıAD. Azertadj-QazAqparat - Saýd Arabııasynda qajylyq maýsymy kezinde 190 myń adamǵa medıtsınalyq qyzmet kórsetildi, dep habarlaıdy «QazAqparat» HAA Azertadj agenttigine silteme jasap.
Mekke men Mádınanyń medıtsınalyq ortalyqtary bıylǵy (hıjranyń 1440 jyly) qajylyq maýsymda Saýd Arabııasy Koroldigine paryzdaryn óteýge barǵan adamdarǵa túrli arnaýly medıtsınalyq qyzmetter kórsetýdi jalǵastyrýda.
Saýd Arabııasynyń Densaýlyq saqtaý mınıstrliginiń málimetinshe, qajylyqqa barǵandarǵa qajetti medıtsınalyq qyzmettiń barlyǵy kórsetiledi. Mekke men Mádınada musylman kúntizbesi boıynsha zulqada aıynyń alǵashqy kúninen zulhıjja aıynyń ekinshi kúnine deıingi aralyqta 190 719 adam dáriger kómegine júgingen. Sonyń ishinde 297 adamnyń júregine ota jasalǵan. Budan bólek, 921 dıalız protsedýrasy, 44 laporoskopııa otasy, sondaı-aq 293 basqa da hırýrgııalyq operatsııalar oryndalǵan.
Buǵan deıin habarlaǵanymyzdaı, 31 shilde kúni qazaqstandyqtardyń alǵashqy legi bes paryzynyń birin óteýge Saýd Arabııasyna ushyp shyqty.
Bıyl elimizden barlyǵy 3200 adam qajylyq paryzyn ótemek.
