Qajylyq saparyna daıynsyz ba?
ASTANA. 9 qazan. QazAqparat - 2012 jyldyń 10 qazany kúni (saǵat 10.00-de) Astana qalasyndaǵy «Nur Astana» ortalyq meshiti
qajylyqqa baramyn deýshi jamaǵatty QMDB-nyń naıb múftıi, Astana qalasynyń Bas ımamy Qalıjan qajy Baıyrbekulymen bolatyn kezdesýge shaqyrady.
Kezdesý barysynda bas ımam qajylyq saparynyń sharttaryna egjeıli-tegjeıli toqtalyp, bolashaq qajylardyń saýaldaryna jaýap beretin bolady.
«Júzdesý sońynda qasıetti sapardy aman-esen oryndap qaıtýlaryna tilek bildirilip, bata jasalady», - delingen «Nur Astana» ortalyq meshitiniń baspasóz qyzmeti taratqan habarlamada.
Aıta keteıik, bıyl Saýd Arabııasy Qazaqstanǵa qajylyq paryzyn óteýshiler úshin 5 myń oryndyq kvota bóldi. 2011 jyly kvotalardyń sany - 4097-ni quraǵan bolatyn.
