Qajylyq saparda eki jerlesimiz qaıtys boldy
ASTANA. QazAqparat - Mekke qalasyndaǵy qajylyq saparda eki jerlesimiz qaıtys boldy, dep jazady 24.kz.
Qazaqstan musylmandary dinı basqarmasy baspasóz hatshysynyń habarlaýynsha, marqumdar qajylyq rásimnen tys jerde kóz jumǵan.
69 jastaǵy Baba Nıkandy jolaýshylar tasymaldaıtyn avtobýs soǵyp, mert qylypty. Al júrek-qan tamyrlary aýrýymen aýyratyn 75 jastaǵy Botan Júsipovany dárigerler ajaldan arashalap qalýǵa qansha tyryssa da, nátıjesiz bolypty.
Jalpy musylmandyq ádet-ǵuryp boıynsha qajylyq saparda ajal qushqan adamnyń denesi qasıetti mekende jerlenedi. Ázirge marqumdardyń denesi elge orala ma, ol jaǵy belgisiz bolyp tur eken.
Bıyl qyrkúıekte Allaǵa qulshylyq etip, ǵıbadat etý úshin 5 myń jerlesimiz Mekkege attanǵan edi.
