Qajylyq pen umra ýnıversıteti ashylady
ASTANA. 3 qazan. QazAqparat - Mekke qalasynyń ámirshisi jáne Qajylyq isteri jónindegi ortalyq komıtettiń tóraǵasy Halıd ál-Feısal el aýmaǵynda qajylyq pen umraǵa qatysty óz aldyna bólek joǵarǵy oqý ornyn ashý jóninde usynysyn bildirdi, dep habarlaıdy muslim.kz saıtynan.
Onyń málimdeýinshe, mundaı oqý ordasyn Qajylyqty zertteý ınstıtýtymen jáne ál-Haram meshitiniń ınstıtýtymen yntymaqtasa otyryp, qurýǵa bolady. Ámirshi bul usynysyna Joǵary bilim berý mınıstrliginiń qulaq asatynyna ári osynaý jobany naqty júzege asyrý joldaryn qarastyratynyna úmittenetin jasyrmady.
Sóziniń sońynda óz halqynyń kıeli mekenge jáne qajylarǵa qyzmet kórsetý qurmetine ıe bolǵany úshin Jaratqan Iege alǵysyn aıtyp, shúkirshilik etti.
