Qajylyq aýǵandyq parlamenttiń jumysyn toqtatty
ASTANA. 25 qazan. QazAqparat - Aýǵanstan parlamenti óziniń mindetin 1 apta boıy oryndaı ala almaı júr. Depýtattar men senatorlardyń basym deni musylmandyq paryzyn óteý úshin qasıetti Mekkege attanýy buǵan sebep boldy,
dep habarlady aýǵandyq BAQ.
Qazirgi ýaqytta parlamentte 120-dan astam depýtat pen senator jetispeıdi, dep jazdy RBK. Sol sebepti parlamenttiń joǵary jáne tómengi palatalary zańdardy qabyldaýda kásibı biliktilerdiń azdyǵyna baılanysty jumysyn toqtatty.
Kabýlde qalǵan depýtattar áriptesteriniń bul áreketterin synǵa alyp, zańsyz dep baǵalaýda. Aýǵanstannyń quqyqtyq normalaryna sáıkes, olar tek jazǵy jáne qysqy kanıkýl kezderinde ǵana demalýy tıis. Parlamenshiler olardy (depýtattar men senatorlardy) jazalaý úshin jalaqy tólemeýdi usynyp otyr.
Parlament jumysy taǵy bir apta ishinde de qalpyna kelmeýi múmkin dep kútilip otyr.
