Qajylarǵa 1 mıllıonnan asa Quran taratyldy
ASTANA. 19 qazan. QazAqparat - Saýd Arabııasynyń Islam dini jónindegi mınıstrligi qajylarǵa qasıetti Qurannyń 1,350 mln. danasyn tegin úlestiredi. Qasıetti eki meshittiń qamqorshysy jomarttyq tanytyp, qajylarǵa osyndaı syılyqty tartýdy jón kórip otyr, dep habarlady muslim.kz.
Musylmandardyń kıeli kitaby Mádına qalasyndaǵy Fahda koroliniń atyndaǵy qasıetti Qurandy basyp shyǵaratyn keshende arab jáne álemniń ózge de tilderinde basylyp shyqqanyn aıta ketý kerek. Qajylarǵa jylda osyndaı tartý-taralǵy beriletinin eske sala ketkimiz keledi. Koroldiktiń barlyq aýmaǵynda, sonyń ishinde, áýejaılar men aılaqtarda arab, túrik, ýrdý, taı, qytaı, frantsýz, ıspan, nemis jáne basqa da tilderde jaryq kórgen qasıetti Quran taratylatyn bolady.
