Qajylardy Saýd Arabııasynda vırýstyq aýrýlardan saq bolýdy eskertti
ASTANA. QazAqparat - Tutynýshylardyń quqyqtaryn qorǵaý komıteti Saýd Arabııasynda qajylyq kezinde vırýstyq aýrýlar juqtyryp alý qaýpi baryn habarlady.
Tutynýshylardyń quqyqtaryn qorǵaý komıteti Qazaqstan Respýblıkasy Mádenıet jáne sport mınıstrligi Dinı isteri komıtetiniń málimeti boıynsha Saýd Aravııasy koroldikke qazaqstandyqtardyń qajylyqqa barýy 2016 jylǵy qyrkúıek aıynda bastalady.
Qajylyqqa jyl saıyn álemniń 160 elderinen 2 mln astam adam qatysady, onyń 3-4 myńy Qazaqstan Resbýlıkasynan.
«Elde koronavırýstyq ınfektsııa boıynsha epıdemıologııalyq jaǵdaı qolaısyz bolyp otyr. Dúnıejúzilik densaýlyq saqtaý uıymynyń derekteri boıynsha 2012 jyldan bastap osy ýaqytqa deıin taıaý shyǵys respıratorlyq sındromy koronavırýsymen syrqattanýdyń zerthanalyq rastalǵan 1791 jaǵdaıy tirkelgen, onyń 640-y ólimmen aıaqtalǵan, syrqattanýdyń 80% Saýd Aravııada, onyń ishinen aǵymdy jyly 156 jaǵdaı tirkelip, 26-y ólim jaǵdaıymen aıaqtaldy», - delingen komıtet habarlamasynda.
Koronavırýsty ınfektsııa - bul aıqyn ıntoksıkatsııa jáne respıratorly traktiniń joǵary bóligin zaqymdaýmen (rınıt kóp mólsherde serozdy bólinýimen, álsizdik, syrqattyq, tamaǵynyń qyshýy, qurǵaq jótel) sıpattalatyn respıratorlyq aýrý. Aýyr aǵymy kezinde pnevmonııa qosylyp, ólim jaǵdaıyna alyp kelýi múmkin. Sanıtarııalyq-epıdemıologııalyq qyzmet jyl saıyn qajyǵa barý máselelerimen aınalysatyn musylmandardyń din basqarmasy ókilderimen, týroperatorlarymen qajyǵa barýshylardy mindetti túrde egýdi júrgizýge baǵyttalǵan jumys júrgizedi, qajyǵa barý jáne qaıtý kezinde ótkizý pýnktterinde sanıtarııalyq-karantındik baqylaýdy kúsheıtý boıynsha sharalar qoldanylady.
Qajyǵa barýshylarda buryshtama alý úshin negizgi talap - menıngokokk ınfektsııasyna qarsy tórtvalentti vaktsınamen egilýi týraly halyqaralyq sertıfıkattyń bolýy. Qazirgi ýaqytta menıngokokk ınfektsııasyna qarsy vaktsınatsııa Astana («Farmakom» klınıkasy, Maılın k., 15), Almaty («MS Help» emhanasy, Qarasaı batyr k., 30, Dostyq k. qıylysy; «Farmakom» klınıkasy, Býzýrbaev k., 23, Gogol k. qıylysy) jáne Shymkent («TsAHıT» klınıkasy, Ilıaev k., 51) qalalarynda ótkizilýde.
Komıtettiń habarlaýynsha, búgingi kúnge qajyǵa baratyn 1538 adamǵa vaktsına egildi.
«Qajylyqta bolǵan kezde adamdar kóp jınalatyn jerlerde jeke bas profılaktıkasy sharalaryn saqtaý qajet: - qoldy sabynmen jıi jýý, dezınfektsııalyq salfetkalardy paıdalaný; - jótelgen jáne túshkirgen kezde salfetkany paıdalaný; - aýyrǵandarmen qatynaspaý jáne olardyń jeke zattaryn paıdalanbaý; - adamdar kóp jınalatyn jerlerde múmkindiginshe bir ret qoldanylatyn betperdeni paıdalaný; - túıeler kóp jınalatyn jerlerge jaqyndamaý jáne olarmen tikeleı qatynastan aýlaq bolý; - qaınamaǵan jáne pasterızatsııalanbaǵan túıe sútin paıdalanbaý, sonymen birge uıymdastyrylmaǵan saýda oryndarda tamaq ónimderin satyp almaý; - syrqattaný kórinisteri paıda bolǵanda dárigerge qaralý qajet; - qaıtyp kelgen kezde aýrýdyń ártúrli sımptomdary (qaltyraý, temperatýranyń joǵarylaýy, syrqattaný, tamaǵynyń aýrýy jáne basqalar) paıda bolǵan jaǵdaıda jaqynda qajylyqqa barǵany týraly dárigerdi eskertip, tezarada medıtsınalyq mekemege júginý qajet, - delinedi habarlamada.
