Qajylar mingen kólik apatqa ushyrap, 17 adam mert boldy
ASTANA. 18 naýryz. QazAqparat - Iordanııada qajylar mingen jolaýshylar avtobýsy júk kóligimen soqtyǵysyp, 17 adam qaza boldy.
Bul týraly 24.kz habarlady.
Taǵy 30-dan astam adam túrli jaraqat alǵan. Oqys oqıǵa eldiń ońtústik-shyǵysynda boldy. Aqparat kózderi kólikte 50-den astam adamnyń bolǵandyǵyn habarlaıdy. Jolaýshylar avtobýsy Mekkeden Djenınge qaıtyp bara jatqan. Júrgizýshi kóliktiń tizginine ıe bola almaı, burylysta júk kóligine soqtyǵysqan. Eki kóliktiń de júrgizýshileri qaza boldy. Aman qalǵan jolaýshylardyń aıtýynsha, qaıǵyly oqıǵaǵa kólik jyldamdyǵynyń shamadan tys asyrylýy sebep bolǵan.
