Qajylar arasyndaǵy epıdjaǵdaı baqylaýda tur - Saýd Arabııasynyń densaýlyq saqtaý mınıstri
ÁBÝ-DABI. 2 qazan. QazAqparat - Saýd Arabııasy Koroldiginiń densaýlyq saqtaý mınıstri Abdýlla Al-Rabııa resmı málimdeme jasady,
onyń aıtýynsha, aǵymdaǵy qajylyqqa kelgender epıdemıologııalyq turǵydan qaýipsiz bolyp tabylady jáne onyń mınıstrligi olardyń arasynan eshqandaı qaýipti ınfektsııalardy, sonyń ishinde bezgekti tappady.
Saýd Arabııasy densaýlyq saqtaý mınıstri atap ótkendeı, Koroldik koronavırýsterdiń taralýy jaǵdaıyn muqııat baqylap otyr jáne qajylar arasynda qaýipti aýrýlar taralmaýy úshin barlyq sharalardy qabyldaýda.
Koronavırýstiń jańa túrleri tynys alý joldary men búırekti zaqymdaıtyn jedel asqynýlarmen qaýipti, ol ólimge ákelip soqtyrýy múmkin. Saýd Arabııasy Koroldiginde Saýd Arabııasy men Katar azamattarynyń arasynda bul juqpanyń 2 faktisi anyqtaldy.
Ýmra men qajylyq maýsymy bastalar aldynda Saýd Arabııasy Koroldiginiń syrtqy ister mınıstrligi óziniń shet elderdegi elshilikterine qajylyq vızasyn berý úshin karantındik talaptar jazylǵan nusqaýhattardy joldady. Bıyl Koroldikte sary bezgek, menıngıt, maýsymdyq tumaý, polıomıelıt, astan ýlaný sııaqty aýrýlarǵa asa mán berip otyr.
Saýd Arabııasynyń bılik ókilderi qajylyqtyń bas qalalarynda ashylǵan medıtsına ortalyqtaryna jumysqa shamamen 20 myń adam qabyldady.
