Qajyǵa baratyn qazaqstandyqtar Túrkistan áýejaıynan usha alady
TÚRKІSTAN. QazAqparat-Túrkistan qalasyndaǵy «Áziret Sultan» áýejaıynan «Túrkistan-El-Kýveıt» baǵytynda alǵashqy jolaýshylar saparǵa shyqty, dep habarlaıdy QazAqparat tilshisi.
Budan bylaı qajylyqqa barǵysy keletin qazaqstandyqtar Túrkistan qalasyndaǵy Halyqaralyq áýejaıdan usha alady. Reıster aptanyń seısenbi jáne jeksenbi kúnderi «Airbus-320» ushaǵymen oryndalady. Bılet qunyn 150 000 teńgeden bastap belgilep otyr.
Kompanııa ókilderiniń sózinshe aldaǵy ýaqytta reıster sany ulǵaıtylýy múmkin. Bul Qazaqstan men Kýveıt arasyndaǵy saýda-ekonomıkalyq, iskerlik, ınvestıtsııalyq, mádenı jáne týrıstik ózara qarym-qatynastardyń odan ári damýyna yqpal etpek.
Foto: gov.kz
