«Qazhrom» ferroqorytpanyń rekordty kólemin óndirdi
ASTANA. QazAqparat - Joǵary kómirtekti ferrohromnyń álemdegi iri óndirýshisi «Qazhrom» transulttyq kompanııasy» AQ hrom rýdasy men ferroqorytpanyń rekordty kólemin óndirdi, dep habarlaıdy QazAqparat kompanııanyń baspasóz qyzmetine silteme jasap.
«2017 jyldyń jetistikteri tań qalarlyq - biz hrom rýdasy men ferroqorytpanyń rekordty kólemin óndirdik. «Qazhrom» álem boıynsha iri ferrohrom óndirýshileriniń biri jáne joǵary sapaly hrom rýdasynyń mol qoryna ıe. Bul ferrohromǵa degen álemdik suranysty qamtamasyz etýge múmkindik beredi», - dedi quramyna «Qazhrom» kiretin «Eýrazııalyq top» JShS basqarma tóraǵasy Serik Shahajanov.
2017 jyly «Qazhrom» shamamen 5,6 trln hrom rýdasyn (ótken jylmen salystyrǵanda 15% kóbirek) óndirgen jáne 1,6 mln tonnadan astam ferroqorytpa (8% kóbirek) daıyndaǵan.
Kompanııanyń 2017 jylǵy áleýmettik ınvestıtsııalarynyń kólemi 57 mln AQSh dollarynan asqan. Bul kórsetkish 2016 jylǵymen salystyrǵanda 80% kóp.
