QAJK jasóspirimder tárbıelenetin kolonııalardaǵy mektepterdi Bilim mınıstrliginiń basqarýyna bermek
yrkúıektiń 15-i. QazAqparat /Ernur Aqanbaı/ - QR Ádilet mınıstrliginiń Qylmystyq atqarý júıesi komıteti (QAJK) elimizdegi kámelet jasqa tolmaǵandardy tárbıeleıtin kolonııalardaǵy bes mektepti Bilim jáne ǵylym mınıstrliginiń basqarýyna bermek.
Bul týraly búgin Astanada ótken QR Úkimeti janyndaǵy Kámelet jasqa tolmaǵandardyń isteri jónindegi vedomstvoaralyq komıssııanyń kezekten tys 7-shi májilisinde atalmysh komıtet tóraǵasynyń orynbasary Talǵat Ahmetov aıtty.
«Bizder elimizdegi tárbıeleýshi kolonııalardaǵy jalpy bilim beretin bes mektepti qylmystyq-atqarý júıesinen Bilim jáne ǵylym mınıstrligi organdarynyń basqarýyna berý týraly jobany ázirleý jáne bekitý boıynsha jumystar júrgizdik», dedi S. Ahmetov májiliste.
Onyń pikirinshe, tárbıelenýshi kolonııalardaǵy jasóspirimder bilimdi azamattyq oqý oryndarynda alýlary tıis. Sebebi, olardyń attestattaryna orta bilimdi túzeý mekemelerinde aldy degen belgi qoıylady.
Aıta keteıik, Qazaqstanda qazirgi tańda kámelet jasqa tolmaǵandar tárbıelenetin 4 kolonııa bar.
