QAJK mekemelerinde jazasyn ótep jatqandardy koronavırýsqa qarsy vaktsınalaý bastaldy
NUR-SULTAN. QazAqparat - Qylmystyq-atqarý júıesi (QAJ) mekemelerinde koronavırýs ınfektsııasyna qarsy vaktsınalaý bastaldy, dep habarlaıdy QazAqparat Qylmystyq-atqarý júıesi komıtetiniń baspasóz qyzmetine silteme jasap.
Baspasóz qyzmetiniń málimetterine qaraǵanda, egý jumystaryn qylmystyq-atqarý júıesiniń barlyq aýmaqtyq departamentterinde júrgizý josparlanyp otyr.
1 aqpannan bastap Qazaqstanda «Spýtnık V» vaktsınasyn paıdalana otyryp, halyqty koronavırýs ınfektsııasyna qarsy jappaı vaktsınalaý bastaldy.
QR Bas memlekettik sanıtarııalyq dárigeriniń 2021 jylǵy 27 qańtardaǵy № 3 qaýlysyna sáıkes juqtyrý qaýpi joǵary, ásirese vırýs juqtyrýǵa jáne onyń taralýyna beıim adamdardyń tizimi anyqtaldy.
Qazirgi ýaqytta osy naýqandy halyqtyń tirkelý tizilimi sheńberinde QAJ mekemelerinde ustalatyn juqtyrý qaýpi basym toby arasynda ótkizý máselesi pysyqtalýda.
Vaktsına egiletin alǵashqy mekeme astanalyq qonys-kolonııasy, ıaǵnı Nur-Sultan qalasy boıynsha QAJD ETs-166/10 mekemesi boldy. Vaktsınalaý jumystary 9 naýryzda bastaldy, osy kezeńde 100-ge jýyq sottalǵan adamǵa vaktsına sátti salyndy, 60 adam preparatty qabyldaýdan bas tartty.
Aıta keteıik, buǵan deıin Aqmola, Aqtóbe, Jambyl jáne Qyzylorda oblystarynyń QAJ jeke quramy vaktsına aldy, qalǵan QAJ departamentteri vaktsınalaýdy ótkizý kestesine sáıkes alady.
Egiletin adam óz erkimen kelisimge nemese egýdi júrgizýden bas tartý paraǵyna qol qoıady. Protsedýra 21 kúndik aralyqta 2 kezeńnen turady.
COVID-19-ǵa qarsy vaktsınalaý is-sharasy aldynda mindetti túrde egiletin adamdy medıtsına mamany qaraıdy, mindetti túrde termometrııa júrgiziledi jáne egiletin adamda allergııalyq reaktsııalardyń, sozylmaly aýrýlardyń bolýy tekseriledi.
Jiti vırýsty ınfektsııalyq jáne ınfektsııalyq emes aýrýlar bolǵan jaǵdaıda údemeli sozylmaly aýrýlary jáne allergııalyq reaktsııalary bar naýqastarǵa vaktsınatsııa jasalmaıdy.
Egilgen adamdar 30 mınýt boıy medıtsınalyq bólimde baqylaýda bolady. Medıtsına qyzmetkerleri men QAJ qyzmetkerlerin vaktsınalaý Polıtsııa departamentteriniń emhanalarynda, kúdiktilerdi, aıyptalýshylar men sottalǵandardy vaktsınalaý penıtentsıarlyq júıe mekemeleriniń medıtsınalyq bólimderinde júzege asyrylady.
Elimizde barlyǵy 80 mekeme jumys isteıdi, onda ustalatyndardyń sany shamamen 32 myń adamdy quraıdy.
