QAJK: Qamaý mekemesinde terrorıst pen uryny aralastyrmaımyz
ASTANA. QazAqparat - QR IIM qylmystyq atqarý júıe komıteti tóraǵasynyń orynbasary Meıram Aıýbaev qamaý mekemesine túsken adam sol jerde radıkaldy dinı aǵymnyń yqpalyna erip ketedi degen pikirmen kelispeıtinin aıtty.
Bul týraly ol búgin «Probatsııa týraly» zań jobasyn talqylaýǵa arnalǵan halyqaralyq dóńgelek ústel barysynda jýrnalısterdiń suraǵyna jaýap bere otyryp, málim etti.
«Kolonııaǵa túsken adam sol jerde radıkaldy dinı aǵymnyń aǵynyna erip ketpeý úshin aldyn alý sharalaryn júrgizemiz. Ulttyq qaýipsizdik komıtetimen birge keshendi aldyn alý sharalaryn júrgizemiz. Radıkal qylmyskerlerdiń árqaısysymen jeke jumys isteımiz»,-degen M.Aıýbaev basqa qylmys jasap, biraq qamaý mekemesinde radıkaldarmen aralasyp ketýi múmkin emes deıdi.
«Ondaı jaǵdaılar bolǵan joq. Ekstremızm úshin sottalǵandarmen jeke jumys isteımiz. Biz ǵana emes, ózge arnaıy qyzmetter, teologtar jumys isteıdi. Naqty jumys bar. sondyqtan, adam sottalyp, kolonııada radıkaldy dinı aǵymǵa erip ketti degenmen men múlde kelispeımin»,- deıdi ol.
Kolonııada ekstremızm úshin sottalǵan adam men basqa qylmysker aralasa ma degen suraqqa ol: «Taǵy qaıtalap aıtamyn, ekstremızm úshin sottalǵan adamdarmen biz jeke jumys isteımiz. onyń aınalasyndaǵylarmen jeke jumys isteımiz. Áriptester, resmı túrde qaıtalap aıtamyn, bul máseleler maqsatty», - dedi.
FOTO: Daýren Mýhametjanov © 2016 «QazAqparat»
