QAJK Bas prokýrordyń synyna jaýap berdi
Buǵan deıin birqatar BAQ 23 aqpan kúni Astanadaǵy túrme forýmy barysynda syn aıtyldy dep aqparat taratqan edi. Atap aıtqanda, jınalys qatysýshylarynyń nazary QAJ Komıteti tóraǵasynyń zalda bolmaýyna aýdaryldy .
«Otyrysqa qatysqan tulǵalardyń eshqaısysynyń QAJK tóraǵasynyń bolmaý sebebin Bas prokýrorǵa túsindirýge batyly jetpeýi tań qalarlyq jaıt. QAJK tóraǵasy atalǵan forýmǵa qatysqan jáne ol bastalǵaly zalda otyrǵan. Munda forým baǵdarlamasynda A.Bazylbekovtyń sóz sóıleýi qarastyrylmaǵanyna nazar aýdarǵan jón», - dep habarlady QR ІІM QAJ Komıtetiniń baspasóz qyzmeti.
QAJK baspasóz qyzmetiniń túsindirýinshe, «Túske qaraı, A.Bazylbekov Іshki ister mınıstrine aldyn ala eskertip, shuǵyl Qoǵamdyq keńes otyrysyna ketken. Onda «Penıtentsıarly júıedegi nashaqorlyqtyń aldyn alý: tájirıbe, máseleler, sheshimder. Nashaqorlyqqa qarsy zańnamalardy jetildirý» atty óte ózekti taqyryp boıynsha tyńdaýlar ótti. Sonymen qatar, QAJK tóraǵasy kóptegen BAQ-qa suhbat bergen».
Túrme taqyryby salasyndaǵy aldyńǵy qatarly sarapshylar, túrli ÚEU, BAQ ókilderiniń qatysýymen Qoǵamdyq keńes jumysy barysynda respýblıkalyq QAJ basshysy birneshe aıdan beri daıyndalǵan Qazaqstan advokattary odaǵy men QAJK arasyndaǵy memorandýmge qol qoıǵan.
«Aıtpaqshy, Qoǵamdyq keńes otyrysyn keıinge aýystyrý esh múmkin bolmaǵan, sebebi onyń qatysýshylary Qazaqstannyń túkpir-túkpirinen kelgen edi», - dep basa aıtty QAJK baspasóz qyzmeti.
