Qajetsiz «jol kartalaryn» ázirlegenderge qatań shara qoldanylady — Prezıdent
ASTANA. KAZINFORM — Inflıatsııanyń sharyqtap ketýine jol bermeý kerek. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty.
— Inflıatsııany oıǵa qonymdy, qalypty deńgeıge túsirý qajet. Onyń sharyqtap ketýine jol bermeý kerek. Inflıatsııanyń ne sebepti joǵary bolyp turǵany belgili, keseldiń sebebi anyqtaldy. Endi osy máseleni sheshý kerek. Biraq usynylatyn sharalar eldiń damýyna keri áserin tıgizbeýi qajet. Dál osy tusta túrli pikir aıtylyp jatyr. Úkimet pen Ulttyq bankke birlesip naqty is-qımyl algorıtmin ázirleýdi tapsyramyn, — dedi Prehıdent.
Memleket basshysynyń paıymynsha osy mańyzdy jumysqa barlyq mekeme ókilderi men sarapshylar qatysýs tıis.
— Taǵy da qaıtalap aıtamyn: qolaısyz ahýaldy shuǵyl retke keltirý qajet. Bıyldan bastap úsh jyl qatarynan ınflıatsııany tómendetý úshin naqty sharalar qabyldaý kerek. Birlesken is-qımyl baǵdarlamasyn sapaly oryndaý aıryqsha mańyzdy. Máseleni sheshýdiń ornyna bos sózdi kóbeıtip, qajetsiz «jol kartalaryn» ázirleý — jaýapkershilikten qashý degen sóz. Aldyn ala eskertý: ondaı jaǵdaıda qatań shara qoldanylady. Halyqtyń tabysy artsa ǵana, naqty nátıjege qol jetkizdik dep sanaýǵa bolady, — dedi Qasym-Jomart Toqaev.
Buǵan deıin Prezıdent Qasym-Jomart Toqaev eldegi baǵa turaqsyzdyǵynyń aýqymy áleýmettik salanyń aıasynan asyp bara jatqanyn aıtty.
