Qajetsiz shyǵyndardy joıýǵa tyrystyq – Erbolat Dosaev Prezıdent tapsyrmasy týraly
ALMATY. KAZINFORM – Erbolat Dosaev Jetisý aýdanynyń turǵyndarymen kezdesýinde bıýdjet qarajatyn únemdeý maqsatynda qala ákimdigi shyǵyndardy qysqartýǵa daıyn ekenin aıtty.
– Memleket basshysy men úkimetten tapsyrmalar aldyq. Kóp jyl boıy bıýdjetti qalyptastyrýǵa atsalysyp júrgenime baılanysty 2025 jyldyń ózinde-aq qajetsiz, tıimsiz shyǵyndardy joıýǵa tyrystyq, – dedi Erbolat Dosaev.
Aıýynsha, bıyl basqarmalar bólingen qarjyny ıgere almasa, olar ońtaılandyrylady.
– Ári qaraı naqtylaýdan keıin bizde qandaı jaǵdaı bar ekenin taǵy bir ret qarastyramyz. Eger ákimshilik osy jyldy asa qarqyndy bastamasa, qajetti qarajatty ıgere almasa, olar da ońtaılandyrylady, – dedi ákim.
Eske salaıyq, buǵan deıin Úkimettiń keńeıtilgen otyrysynda Prezıdent Qasym-Jomart Toqaev orynsyz shyǵyndy toqtatyp, jappaı únemdeýge kóship, bıýdjet qarjysyn tek qana asa ózekti máselelerdi sheshýge jumsaý kerek ekenin aıtqan bolatyn.