Qajet bolsa jýrnalıster mártebesine qatysty sheshim qabyldaımyn - Memleket basshysy

NUR-SULTAN. QazAqparat - Aldaǵy ýaqytta Qazaqstannyń buqaralyq aqparat ókilderi týraly zań qabyldanýy múmkin.

Bul týraly búgin Aqordada otandyq jáne sheteldik BAQ ókilderine arnalǵan baspasóz máslıhatynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

Baspasóz máslıhaty barysynda Qazaqstannyń BAQ ókilderi Memleket basshysynan jýrnalısterdiń mártebesi týraly zań qabyldaý máselesin kótergen edi.

«Bul óte ózekti másele. Bul máseleni jaqsylap turyp qaraýymyz kerek. Eger bolatyn bolsa, men Úkimetke tıisti tapsyrmany beremin. Keleshekte jýrnalısterdiń mártebesi týraly, eger qajet bolatyn bolsa, tıisti zań qabyldaımyz. Ne bolmasa men ózim Prezıdent retinde sheshim qabyldaımyn», - dedi Qasym-Jomart Toqaev.