Qajet bolsa koronavırýstan emdeletin qosymsha statsıonar jasaqtalady – Sáýle Qısyqova
NUR-SULTAN. QazAqparat – Nur-Sultan qalasynyń qoǵamdyq densaýlyq saqtaý baǵdarlamasy koronavırýs ınfektsııasyn juqtyrǵandar kóbeıgen jaǵdaıda aýrahanalarda qosymsha tósek-oryn ázirleıdi. Bul týraly basqarma basshysy Sáýle Qısyqova aıtyp berdi, dep habarlaıdy QazAqparat.
«Jaıaý júrginshi joldary, aıaldamalar, bazarlar – barlyq jerde dezınfektsııalyq rejım kúsheıtilip, qolǵa jaǵatyn suıyqtyqtar qoıylýda. Qalamyzda dezınfektsııalyq quraldar jetkilikti kólemde bar», - dedi basqarma basshysy «Habar 24» telearnasynda ótken brıfıngte.
Onyń aıtýynsha, barlyq medıtsınalyq nysandarda karantın jarııalanyp, azamattarǵa medıtsınalyq maska taǵý mindettelgen.
«Koronavırýs ınfektsııasyn juqtyrǵan nemese JRVI, ókpe qabyný belgilerimen túsken naýqastarǵa medıtsınalyq kómek kórsetý úshin jetkilikti kólemde tósek-oryn jabdyqtaldy. Qajet bolǵan jaǵdaıda, qosymsha tósek-oryn bólip, statsıonarlar uıymdastyrýǵa daıynbyz», - dedi S. Qısyqova.
Sonymen birge, spıker koronavırýstyq ınfektsııa anyqtalǵan jaǵdaıda júrgiziletin sharalar týraly aıtyp berdi.
«Naýqas pen onyń otbasy, bir aýmaqta turǵandar jáne jumys babymen jaqyn baılanysqan adamdar birden oqshaýlanyp, aýrýhanaǵa jatqyzylady», - dedi Sáýle Qısyqova.
Aıta keteıik, Qazaqstan Respýblıkasy aýmaǵynda koronavırýs ınfektsııasyn juqtyrǵan jalpy 109 naýqas tirkeldi.
Nur-Sultan qalasynda 61 adamda koronovırýs ınfektsııasy anyqtaldy. Almaty qalasynda - 40 adam, Shymkent qalasynda – 2 adam, Qaraǵandy qalasynda - 2, Almaty, Aqtóbe, Jambyl, Soltústik Qazaqstan oblystarynda – 1 adamnan tirkelgen.
Buǵan deıin basqarma basshysy Nur-Sultanda tórt naýqastyń jaǵdaıy aýyr ekenin málimdegen bolatyn.
