QAJ mekemelerinde erekshe jaǵdaılar rejımi engizildi
Bul rejım Qazaqstan Respýblıkasy Prezıdentiniń tótenshe jaǵdaıdy engizý týraly jarlyqtarynyń, QR Qylmystyq-atqarý kodeksiniń 101-babynyń, sondaı-aq «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde, arnaýly úı-jaılarda ustaý tártibi men sharttary týraly» Zańynyń 46-babynyń negizinde 2022 jylǵy 19 qańtar 00 saǵat 00 mınýtqa deıin qoldanylatyn bolady.
Osy kezeń aralyǵynda QAJ bólinisteriniń ishki tártiptemesi ýaqytsha ózgertiledi. Elimizde oryn alǵan jaǵdaıdy eskere otyryp, Qylmystyq-atqarý kodeksiniń 105-113-baptarynda kózdelgen sottalǵandardyń, sondaı-aq tergeý-qamaýyndaǵylardyń quqyqtaryn iske asyrýda ýaqytsha shekteý sharalary qabyldanady.
Bul rette, sottalǵandarǵa sálemdemeler men saýqattar zańnamada belgilengen tártippen jetkiziletin bolady.
Sondaı-aq, QR QAK 143-babynyń 9-bóligine sáıkes, qaýipsizdigi barynsha tómen mekemelerde jazasyn ótep jatqan sottalǵandar jumysqa ornalasqan uıymdardan shaqyrtylyp, mekeme aýmaǵynda bolady.
Barlyq múddeli adamdardy osy sharalarǵa túsinistikpen qarap, shekteý sharalary aıaqtalǵanǵa deıin sabyr saqtaýlaryn suraımyz. Sonymen qatar, tek resmı túsiniktemelerge súıenýdi jáne jalǵan aqparat taratpaýdy eskertemiz.⠀
QAJ mekemeleriniń ishki tártibi qaǵıdalarynyń 84-tarmaǵyna sáıkes, sottalǵandarǵa mekemelerde erekshe jaǵdaılar rejımin engizý sebebinen kezdesýler usynylmaǵan jaǵdaıda, paıdalanylmaǵan kúnder saqtalyp, neǵurlym kesh merzimde beriletinin eskertemiz.
