QAJ qyzmetkerleri azaptaǵany týraly jalǵan málimdeme jasaǵan kúdikti qylmystyq jaýapkershilikke tartyldy
ASTANA. QazAqparat - Búgin Astana qalasynyń Almaty aýdandyq sotynda tergeý amaldary ýaqytynda ýaqytsha ustaý ızolıatorlaryna qamalǵan kezinde Qylmystyq atqarý júıesi qyzmetkerleri azaptady dep málimdeme jasaǵan adamǵa qatysty sot otyrysy ótti. Bul týraly QR ІІM QAJ Komıtetiniń baspasóz qyzmetinen habarlady.
«Sotta ótken jyldyń sáýir aıynda Astana qalasynyń tergeý oqshaýlaǵyshynda bolǵan 25 jastaǵy kúdikti mekeme qyzmetkerlerine til tıgizip, olardy qaqtyǵysqa azǵyrǵan. Sonymen qatar, qamaýda otyrǵandardy qyzmetkerlerdiń aıtqanyn elemeýge úgittegen. Keıin ózi ádeıi basyn qabyrǵaǵa uryp, mekeme qyzmetkerleri jábir kórsetti dep kinálap, prokýratýraǵa shaǵym jazǵan. Prokýratýra tergeý júrgizip, anyq -qanyǵyn bildi», delingen habarlamada.
