QAJ komıtetiniń jemqorlyqqa eń qatty batqan mekemesi ataldy

NUR-SULTAN. QazAqparat – Sybaılas jemqorlyqqa qarsy is-qımyl agenttiginiń birinshi departamentiniń tergeýshisi Qaısar Barjaqsynov qylmystyq-atqarý júıesinde qarasty jemqorlyqqa eń qatty batqan mekemeni atady, dep habarlaıdy QazAqparat tilshisi.

«Eńbek» respýblıkalyq memlekettik mekemesi sottalǵandardyń jumyspen qamtylýyna, materıaldyq-tehnıkalyq jabdyqtalýyna jaýapty bolǵanymen, ózine júktelgen mindetti oryndaı almaı, QAJ salasyndaǵy jemqorlyqqa eń qatty batqan mekemege aınalyp otyr», - dedi Qaısar Barjaqsynov Agenttikte ótken brıfıng barysynda.

Tergeýshiniń aıtýyna qaraǵanda, sońǵy úsh jylda «Eńbek» RMK-nyń laýazymdy adamdaryna qatysty 30 qylmys tirkelgen.

«Sybaılas jemqorlyq qylmysy boıynsha sottalǵan qylmystyq atqarý júıesine qarasty mekeme basshylarynyń ishinde Almaty qalasy men Almaty oblysy boıynsha mekeme basshysy Qasymbekovti (5,9 mln teńge aıyppulǵa ilikken), Astana qalasy boıynsha mekeme bastyǵy Áben men onyń orynbasaryn (Áben 3 jylǵa sottalǵan, Musaev 2 jylǵa bas bostandyǵynan aıyrylǵan), Almaty oblysy boıynsha Jambylovty atap ótýge bolady», - dedi ol.