QAJ komıtetiniń tóraǵasy oblystyq departament basshylaryn qatań synǵa aldy
ASTANA. QazAqparat - ІІM Qylmystyq-atqarý júıesi komıtetiniń tóraǵasy Azamat Bazylbekov tártip pen zańnyń saqtalýy jáne sybaılas jemqorlyqqa qarsy áreket máseleleri boıynsha respýblıkalyq vıdeoselektorlyq jınalys ótkizdi, dep habarlaıdy QR ІІM QAJ komıtetiniń baspasóz qyzmeti.
Jınalystyń negizgi máseleleriniń biri sybaılas jemqorlyqqa qarsy áreket pen qyzmettik-áskerı tártipti saqtaý jumystarynyń jaǵdaıyn talqylaý boldy.
Ótken jylmen salystyrǵanda, júıedegi sybaılas jemqorlyq deńgeıi aıtarlyqtaı tómendegen. Áıtse de, jınalysta QAJ jeke quramy arasynda bolǵan oqys oqıǵalar erekshe atalyp ótti.
Jınalysta keltirilgen derekterge sáıkes, quqyqbuzýshylyqtardyń basym bóligin Qaraǵandy, Aqtóbe, Pavlodar, Jambyl oblystaryndaǵy jáne Almaty qalasyndaǵy QAJ qyzmetkerleri jasaǵan, olardyń keıbiri BAQ-ta qoǵamdyq rezonans týdyrdy. Jumystyń atalǵan baǵytyndaǵy kemshilikter úshin QAJ komıtetiniń tóraǵasy oblystyq departament basshylaryn qatań synǵa aldy.
Selektorlyq jınalys sońynda mekeme basshysy budan bylaı QAJ komıtetiniń basshylyǵy kez kelgen zańbuzýshylyq úshin qatań jáne ymyrasyz sheshimder qabyldaıtynyn basa aıtty.
Sondaı-aq, QAJ qyzmetkerleri tarapynan quqyqbuzýshylyqtardyń aldyn alý jáne jol bermeýge basa kóńil bólinip, komıtet tóraǵasy barlyq bólimshe basshylaryn sybaılas jemqorlyq deńgeıin tómendetýge jáne sybaılas jemqorlyqqa qarsy zańnamanyń saqtalýyna kúsh salýǵa shaqyrdy.
