QazGZÝ-da Táýelsizdik kúnine arnalǵan merekelik shara ótti

ASTANA. 14 jeltoqsan. QazAqparat - Búgin Astanadaǵy Qazaq gýmanıtarlyq zań ýnıversıtetinde QR Táýelsizdik kúnine arnalǵan halyqaralyq Tilder men mádenıetter festıvali atty kontsert bolyp ótti. Sharany joǵary oqý ornynyń Jalpy til bilimi jáne aýdarma isi kafedrasy uıymdastyryp otyr.

Kafedra oqytýshysy Sabına Meńdiǵazıevanyń aıtýynsha, shet tilderin oqyp júrgen 1,2,3 kýrs stýdentteri óz bilimderin kórsetý maqsatynda ózderi meńgergen tilde án aıtyp, sol elderdiń bıin bılep, mádenıetin kórsetedi.

Sharaǵa shetel elshileri, atap aıtqanda Kýba, Frantsııa jáne Italııa elshilikterinen ókilder kelip, tamashalady.

Stýdentter aǵylshyn, frantsýz, nemis, ıspan, ıtalıan, orys jáne qazaq tilderinde án aıtyp, túrli elderdiń ulttyq bılerin bıledi.