Qazgıdromettiń boljamdary áli de naqty emes - Bekker
NUR-SULTAN. QazAqparat - QR ІІM Tótenshe jaǵdaılar komıtetiniń tóraǵasy Vladımır Bekker «Qazgıdromet» RMK jumysyna qatysty pikir bildirdi, dep habarlaıdy QazAqparat tilshisi.
«Qazgıdromet» buǵan deıingi jyldarǵa qaraǵanda jaqsy jumys isteı bastady. Biraq, bul áli de jetkiliksiz. Boljamdary býaldyr ári naqty emes», - dedi ol búgin elordada ótken baspasóz máslıhaty barysynda.
Osy oraıda ol elimizdiń jer aýmaǵynyń úlkendigi aýa raıyn naqty boljaýǵa kedergi keltiretinin aıtty.
«Máselen, Aqmola oblysynyń aýmaǵyna 3-ten 14 mm-ge deıin jaýyn-shashyn túsedi deıdi. Eger jaýyn-shashyn oblystyń búkil aýmaǵyna taralyp tússe, onda bul az bolýy múmkin. Biraq, jaýyn-shashyn bir jerge ǵana jaýýy yqtımal. ıAǵnı, bir jerge ǵana shoǵyrlanǵan jaýyn-shashyn bolsa, onda bul jaǵdaıdy kúrdelendirip jibere alady. 31 naýryzda Kókshetaýda dál osyndaı jaǵdaı oryn alyp, shamamen 15 sm qar tústi. Buǵan qosa qar eridi», - dedi Vladımır Bekker.
