Qazgıdromettiń Atyraý fılıalynyń dırektory sottaldy
ASTANA. QazAqparat - «Qazgıdromet» RMK Atyraý fılıaly dırektorynyń orynbasary Á.Ámirov ekologııalyq monıtorıngileý úshin bólingen bıýdjet qarajattaryn jymqyrǵany úshin eki jylǵa shartty túrde sottaldy. Bul týraly «QazAqparat» HAA Atyraý oblys boıynsha Memlekettik kirister departamentiniń Ekonomıkalyq tergeýler qyzmetine silteme jasap habarlaıdy.
«Kóp mólsherde senip tapsyrylǵan bıýdjet qarajattaryn jymqyrý faktisi boıynsha Atyraý oblysy Memlekettik kirister departamentiniń Ekonomıkalyq tergeýler qyzmeti 2017 jylǵy ekologııalyq monıtorıngileý úshin bólingen bıýdjet qarajattaryn jymqyrǵany úshin «Qazgıdromet» RMK Atyraý fılıaly dırektorynyń orynbasary Ámirov A.-ǵa qatysty QR QK 189-baby 3-bóligi, 1-tarmaǵyna sáıkes sotqa deıingi tergep tekserý isin tirkedi», - delingen habarlamada.
Tergeý barysynda kúdiktiniń aıyby dáleldenip, 4 463 110 teńge mólsherindegi keltirilgen materıaldyq zalal tolyǵymen qaıtaryldy.
Atyraý qalasy №2 sotynyń 2018 jylǵy 8 qańtardaǵy úkimimen Á.Ámirov aıypty dep tanylyp, 2 jylǵa shartty túrde bas bostandyǵynan aıyrý jazasy berildi.
