«Qazgıdromettiń» 25 shilde kúngi aýa raıy boljamy
ASTANA. QazAqparat - 25 shilde kúni antıtsıklon Qazaqstannyń basym bóliginiń aýa raıyn anyqtaıdy. Atmosferalyq fronttardyń ótýine baılanysty keı jerlerinde naızaǵaı oınap, jańbyr jaýady, jel kúsheıedi. Respýblıkanyń ońtústiginde shańdy daýyl kútiledi. Jekelegen óńirlerde tuman túsip, kúndiz burshaq jaýýy múmkin, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqmola, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde jel 15-20 m/s kúsheıedi, túnde jáne tańerteń tuman kútiledi. Kúndiz Aqmola, Qaraǵandy oblystarynda burshaq bolýy múmkin.
Almaty, Jambyl, Qyzylorda, Túrkistan, Mańǵystaý, Atyraý, Batys Qazaqstan oblystarynyń keı jerlerinde jeldiń ekpini 15-20 m/s jetedi. Qyzylorda oblysynda oǵan kúndiz shańdy daýyl aralasady.
Sondaı-aq Aqtóbe, Atyraý oblystarynyń basym bóliginde, Batys Qazaqstan, Mańǵystaý oblystarynyń keı jerlerinde qatty ystyq bolady.
Budan bólek, Mańǵystaý, Qyzylorda, Túrkistan oblystarynyń basym bóliginde, Atyraý, Batys Qazaqstan, Aqtóbe, Qostanaı, Jambyl, Almaty oblystarynyń keı jerlerinde joǵary órt qaýpi saqtalady.
