Qazgıdromettiń 22 maýsymdaǵy kún raıyna jasaǵan boljamy
NUR-SULTAN. QazAqparat - Qazgıdromet 2021 jylǵy 22 maýsymda bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.
Tsıklon jáne onymen baılanysty atmosferalyq fronttar Qazaqstannyń shyǵys bóligine áserin saqtap qalýyna baılanysty jaýyn-shashynsyz aýa raıy kútiledi. Jańbyr, naızaǵaı boldy, burshaq jaýýy yqtımal, shyǵys jáne ońtústik-shyǵystyń taýly, taý bókterinde qatty jańbyr jaýady.
Al respýblıkanyń batys jáne ońtústik-batys jartysynda antıtsıklon men jyly aýa massalarynyń áserinen ystyq jáne jaýyn-shashynsyz aýa raıy kútiledi. Respýblıkanyń keı jerlerinde jel kúsheıedi, ońtústikte shańdy daýyl bolady.
Almaty, Jambyl, Shyǵys Qazaqstan, Qaraǵandy, Soltústik Qazaqstan oblystarynyń keı jerlerinde burshaq jaýýy yqtımal, jel 15-20 m/s-ǵa deıin kúsheıedi, Jambyl oblysynda ekpini 25 m/s bolady, Soltústik Qazaqstan oblysynyń keı jerlerinde daýyl kútiledi.
Qostanaı, Pavlodar oblystarynyń keı jerlerinde jel 15-20 m/s-ǵa deıin kúsheıedi, kúndiz keı jerlerinde burshaq jaýýy yqtımal, Qostanaı oblysynda daýyl kútiledi.
Kúndiz Aqmola, Atyraý oblystarynń keı jerlerinde jel 15-20 m/s-ǵa deıin kúsheıedi.
Túrkistan, Qyzylorda, kúndiz Mańǵystaý oblystarynyń keı jerlerinde jeldiń 15-20 m/s-ǵa jetip, shańdy daýyl turady.
Kúndiz Atyraý, Batys Qazaqstan, Aqtóbe oblystarynda, Mańǵystaý oblysynyń ońtústiginde qatty ystyq kútiledi.
Qyzylorda, Aqtóbe, Túrkistan oblystarynda, Jambyl, Qaraǵandy, Mańǵystaý, Atyraý, Batys Qazaqstan, Qostanaı oblystarynyń keı jerlerinde óte joǵary órt qaýpi kútiledi.
