Qazgıdromettiń 2 aqpan kúngi aýa raıy boljamy
ASTANA. QazAqparat - 2 aqpan kúni Qazaqstannyń batysynda jáne soltústiginde frontaldy aǵymdardyń ótýine baılanysty keı jerlerde qar jaýady. Respýblıkanyń qalǵan aýmaǵynda jaýyn-shashynsyz ashyq aýa raıy kútiledi. Keı óńirlerde tuman, kóktaıǵaq, burqasyn, ekpindi jel saqtalady, dep habarlaıdy QazAqparat.
«Qazgıdromet» RMK-nyń málimetinshe, Aqmola, Qostanaı, Shyǵys Qazaqstan, Soltústik Qazaqstan oblystarynyń keı jerlerinde tuman, burqasyn kútiledi. Kostanaı, kúndiz Aqmola, Shyǵys Qazaqstan oblystarynda jel 15-20 m/s kúsheıedi. Shyǵys Qazaqstan oblysynda túnde qatty aıaz turýy múmkin.
Almaty, Jambyl, Qyzylorda, Mańǵystaý, Batys Qazaqstan oblystarynyń keı jerlerinde tuman men kóktaıǵaq boljanady. Jambyl, Qyzylorda oblystarynyń jekelegen aýmaqtarynda jeldiń ekpini 15-20 m/s artady.
Túrkistan, Atyraý, Qaraǵandy oblystarynyń keı jerlerinde tuman kútiledi, Túrkistan oblysynda jeldiń jyldamdyǵy 15-20 m/s jetýi yqtımal.
Pavlodar oblysynda kúndiz burqasyn bolady.
