«Qazgıdrometten» eskertý: Astanada jel ekpini 15-20 m/s-qa deıin kúsheıedi
ASTANA. 29 tamyz. QazAqparat - QR Qorshaǵan ortany qorǵaý mınıstrliginiń «Qazgıdromet» RMK málimetteri boıynsha, erteń, 30 tamyzda, Qazaqstan aýmaǵynyń basym bóliginde belsendi tsıklon jáne atmosferalyq aǵyndardyń ótýine baılanysty jańbyr jaýady dep kútilýde, keı jerlerde qatty jańbyr jaýady, naızaǵaı jarqyldaıdy, jel kúsheıedi, burshaq jaýýy múmkin, respýblıkanyń soltústiginde túnde keı jerlerde tuman túsedi. Eldiń batysynda ǵana aýa raıy jaýyn-shashynsyz bolady.
Aqmola, Soltústik Qazaqstan oblystarynda keı jerlerde 15-20 m/s jel soǵady dep kútilýde, jel ekpini 25 m/s, túnde jáne tańerteń tuman túsedi. Aqtóbe, Qostanaı oblystarynda, túnde keı jerlerde tuman túsedi, táýlik boıy Qostanaı oblysynda keı jerlerde 15-20 m/s jel soǵady. Almaty, Jambyl, Qaraǵandy, Shyǵys Qazaqstan, túnde Ońtústik Qazaqstan, kúndiz Mańǵystaý, Atyraý oblystarynda keı jerlerde jel 15-22 m/s-qa kúsheıedi dep kútilýde, Almaty, Jambyl, Qaraǵandy, Shyǵys Qazaqstan oblystarynda kúndiz burshaq jaýýy múmkin. Pavlodar oblysynyń basym bóliginde jel 15-22 m/s-qa kúsheıedi dep kútilýde, keı jerlerde 25 m/s-qa kúsheıedi, kúndiz burshaq jaýýy múmkin.
Respýblıkanyń ońtústiginde, ońtústik-shyǵysynda jáne ortalyǵynda keı jerlerde tótenshe joǵary órt qaýpi saqtalady.
«Qazgıdromet»RMK daýyldyq eskertý: Aqmola oblysynda jańbyr jaýady dep kútilýde, keı jerlerde qatty jańbyr jaýady, naızaǵaı jarqyldaıdy, kúndiz burshaq jaýýy múmkin, 29-30 tamyzda soltústik, soltústik-shyǵystan soǵatyn jel 9-14 m/s-qa kúsheıedi dep kútilýde, keı jerlerde 15-20 m/s-qa kúsheıedi, jel ekpini 25 m/s bolady.
30 tamyzda Astana qalasynda jańbyr jaýady dep kútilýde, naızaǵaı jarqyldaıdy, soltústikten soǵatyn jel 9-14 m/s-qa kúsheıedi, jel ekpini 15-20 m/s-qa deıin, kúndiz aýa temperatýrasy plıýs 12-17-ge deıin tómendeıdi.
Jaqyn táýlikterde qatty jańbyr jaýady dep boljanýyna baılanysty Almaty oblysynyń jekelegen taýly ózenderinde sý tasýy múmkin.
Shyǵys Qazaqstan, Almaty oblysynyń ózenderinde jańbyr jaýady dep kútilýine baılanysty sý shyǵyny ulǵaıýy yqtımal.
31 tamyzdan 2 qyrkúıekke deıin ońtústik-shyǵys jáne shyǵys ózenderinde sý deńgeıi turaqsyz bolady dep kútilýde. Qalǵan sý nysandarynda aıtarlyqtaı ózgerister kútilmeıdi.
