Qazgıdromet: Jeltoqsannyń 14-i kúngi aýa raıy boljamy
NUR-SULTAN. QazAqparat – Jeltoqsannyń 14-i kúni respýblıkanyń basym bóligine soltústik tsıklon men onymen baılanysty atmosferalyq frontaldy bólikter áser etedi. Sonyń saldarynan elimizdiń birqatar aýmaǵynda jaýyn-shashyn bolady.
Bul týraly QazAqparat «Qazgıdromet» RMK-na silteme jasap habarlaıdy.
Kásiporyn tartaqan málimetterge qaraǵanda, 14-shi jeltoqsan kúni shyǵysqa qaraı bet alǵan antıtsıklon aýa temperatýrasynyń tómendeýine jáne respýblıkanyń batysy, soltúsik batysy jáne soltústigine jaýyn-shashynsyz aýa raıyn alyp keledi.
Respýblıkamyzdyń keı jerlerinde tuman túsip, kóktaıǵaq bolyp, jel kúsheıip, burqasyn bolady.
Jambyl, Túrkistan, Shyǵys Qazaqstan oblystarynyń keı jerlerinde burqasyn, tuman, kóktaıǵaq bolyp, jel sekýndyna 15-20 metr jyldamdyqpen soǵady.
Pavlodar, Qaraǵandy oblystarynyń keı jerlerinde tuman, jaıaý burqasyn, kóktaıǵaq bolady. Pavlodar oblysynda túnde jeldiń jyldamdyǵy 18 m/s bolady.
Aqmola oblysynyń keı jerlerinde kóktaıǵaq, burqasyn bolyp, túnde jel 15-20 m/s jyldamdyqpen uıtqıdy.
Almaty, Qyzylorda oblystarynyń keı jerlerinde tuman túsip, kóktaıǵaq bolady.
Batys Qazaqstan, Qostanaı, Soltústik Qazaqstan oblystarynyń keı jerlerinde tuman túsýi yqtımal.
