Qazgıdromet: Jeltoqsannyń 13-i kúngi aýa raıy boljamy
NUR-SULTAN. QazAqparat – 13-shi jeltoqsan kúni soltústik tsıklon men onymen baılanysty atmosferalyq frontaldy bólikterdiń ótýine baılanysty respýblıkanyń basym bóliginde aýa raıy qubylmaly bolady, dep habarlaıdy QazAqparat «Qazgıdromet» RMK-na silteme jasap.
Kásiporyn taratqan aqparattarǵa qaraǵanda, 13-shi jeltoqsan kúni respýblıkanyń keıbir aýmaqtarynda jaýyn-shashyn bolady, al keı jerlerinde jaýyn-shashyn, qar mol kólemde túsedi.
Tek Qazaqstannyń shyǵysy antıtsıklon jotasynyń yqpalynda bolǵandyqtan, kún jaýyn-shashynsyz bolady. Respýblıkamyzdyń keı jerlerinde tuman túsip, kóktaıǵaq bolyp, jel kúsheıedi, burqasyn bolady.
Aqmola, Qostanaı, Qaraǵandy, Pavlodar oblystarynyń keı jerlerinde burqasyn, tuman, kóktaıǵaq bolyp, jel sekýndyna 15-20 metr jyldamdyqpen soǵady.
Soltústik Qazaqstan oblysynyń keı jerlerinde tuman túsip, jeldiń jyldamdyǵy sekýndyna 15-20 metrge jetedi, túnde burqasyn, kóktaıǵaq bolady.
Jambyl, Túrkistan oblystarynyń keı jerlerinde tuman túsip, kóktaıǵaq bolady, jel 15-20 m/s jyldamdyqpen uıtqıdy.
Túrkistan oblysynda kúndiz ekpini 25 m/s jel soǵady.
