Qazgıdromet: Jeltoqsannyń 12-si kúngi aýa raıy boljamy
NUR-SULTAN. QazAqparat – Jeltoqsannyń 12-si kúni respýblıkamyzdyń basym bóliginde atmosferalyq frontaldy bólikterdiń ótýine baılanysty aýa raıy qubylmaly bolady, dep habarlaıdy QazAqparat «Qazgıdromet» RMK-nyń málimetterine silteme jasap.
Kásiporyn taratqan málimetterge qaraǵanda, jeltoqsannyń 12-si kúni respýblıkanyń keı jerlerinde jaýyn-shashyn bolady.
Tek Qazaqstannyń shyǵys jáne ońtústik-shyǵysynda ǵana antıtsıklonnyń yqpalymen kún jaýyn-shashynsyz bolady. Respýblıkamyzdyń keı jerlerinde tuman túsip, kóktaıǵaq bolyp, jel kúsheıedi, burqasyn bolady.
Soltústik Qazaqstan, Qostanaı, Aqmola oblystarynyń keı jerlerinde burqasyn, tuman, kóktaıǵaq bolyp, jel sekýndyna 15-20 m/s jyldamdyqpen soǵady.
Jambyl, Batys Qazaqstan oblystarynyń keı jerlerinde tuman túsip, kóktaıǵaq bolady, jeldiń jyldamdyǵy sekýndyna 15-20 metrge jetedi.
Almaty oblysynyń birqatar aýmaqtarynda túnde jáne tańerteń tuman túsip, kúndiz Jalańashkól aýdanynda jel sekýndyna 15-20 metr jyldamdyqpen soǵýy yqtımal.
Túrkistan oblysynyń basym bóliginde tuman túsedi.
Qyzylorda, Mańǵystaý, Atyraý, Aqtóbe, Pavlodar, Qaraǵandy, Shyǵys Qazaqstan oblystarynyń keı jerlerinde tuman túsip, kóktaıǵaq bolady.
