Qazgıdromet: Jambyl jáne Almaty oblystarynyń keı jerlerinde 1-3 gradýs úsik júredi
NUR-SULTAN. QazAqparat – «Qazgıdromet» RMK-sy qazannyń 14-i kúngi aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵana, Qazaqstannyń basym bóligi áli de antıtsıklonnyń yqpalynda. Sol sebepti elimizdiń basym bóliginde kún jaýyn-shashynsyz bolady. Tek Qazaqstannyń shyǵysynda atmosferalyq frontaldy bólikterdiń ótýine baılanysty keı jerlerde jaýyn (jańbyr, qar) jaýady.
Respýblıkanyń keı jerlerinde jel kúsheıip, soltústiginde jáne shyǵysynda tuman túsedi.
Jambyl oblysynyń keı jerlerinde, kúndiz Batys Qazaqstan oblysynyń batysynda jeldiń jyldamdyǵy sekýndyna 15-20 metrge deıin kúsheıedi.
Pavlodar, túnde jáne tańerteń Soltústik Qazaqstan, Shyǵys Qazaqstan oblystarynyń keı jerlerinde tuman túsedi.
Almaty, Jambyl oblystarynyń keı jerlerinde túnde 1-3 gradýs úsik júredi.
